VOLTA AO PASADO

EXPOSICIÓN DE LIBROS DOS ANTEPASADOS DO COLE

Na nosa árbore, sólo por dúas semanas ,estará exposta ao público unha mostra de libros editados por CARRÁS EDICIÓNS.

Estes magníficos exemplares están feitos por alumnos que pasaron pola nosa escola hai moitos anos.

ANÍMATE E ENTRA A VELOS

APERTURA DO CORAZÓN DO CARRASQUEIRA

Querida comunidade:

Xa teño a proba do que pasou o 24 de outubro no noso cole.

Según a grabación que vos imos mostrar foron dous días de:

LEDICIA,MEDO,ENFADO,ASOMBRO,

DESCONCERTO,SUSTO,AGASALLO,

CORAZÓNS DESBOCADOS,RITMO TREPIDANTE,ROCK AND ROLL...

 PERO SOBRE TODO...

QUÉDOME COS VOSOS SORRISOS E DOULLES UNHA GRAN APERTA  AOS PROFESORES E PROFESORAS QUE AXUDARON A QUE TODO SAÍRA XENIAL.

Carrás.

O FUTURO XA ESTÁ AQUÍ: VIVÁMOLO

ALGO VAI PASAR...

CHEGAMOS A META

Un ano máis despedimos ao alumnado de 6º de primaria que participou nas tarefas da biblioteca.

Aprendendo, con tesón e actitude @s bibliotequeir@s fixeron de fio conductor integrando os usuarios nas rutinas e animando a novos candidatos para o próximo curso.

                      AQUÍ VAI A NOSA HOMENAXE.

RECOMENDACIÓNS LECTORAS DE VERÁN

LETRAS GALEGAS E MARÍA VICTORIA MORENO

Como contribución ao recoñecemento da figura de María Victoria Moreno, co gallo da celebración do Día das Letras Galegas 2018, desde a nosa biblioteca, ponse a disposición de todos os usuarios un material variado arredor de varios títulos desta autora. Dito material atópase ubicado nun expositor situado na entrada da biblioteca.

Ademáis, para coñecer un pouco máis da vida e obra desta ilustre escritora deixámovos un video realizado por alumnos/as dun colexio de Ourense.

                 

DÍA DO LIBRO

Hoxe é o Día Mundial do Libro e dos Dereitos de Autor e desde a Consellería de Cultura, Educación e Ordenación Universitaria edítase o díptico para conmemorar este día 23 de abril de 2018.

Acudiuse, como en anos anteriores a unha persoa referente da literatura galega actual, neste caso ao escritor, poeta e editor Fran Alonso, quen xenerosamente cedeu un texto para esta pequena peza de difusión do Día do Libro, centrándose nas posibilidades e nos efectos da lectura.

ACTIVIDADE PADRIÑOS E MADRIÑAS LECTORES

75 ANOS DE " O PRINCIPIÑO "

Hoxe, 6 de abril, " O principiño",  obra escrita por  Antoine de Saint-Exupéry, está de cumpreanos. En concreto cumpre 75 anos, unha idade nada desdeñable para unha personaxe infantil.

Considerada a obra francesa máis lida e vendida na historia, traducíuse a 250 idiomas e dialectos e incluso fíxose a súa versión en braille.
O Principiño aborda baixo a sinxeleza dun conto unha reflexión profunda sobre o sentido da vida, convertíndose nun clásico tanto para nenos como para adultos. Aos primeiros este libro atrápalles pola aventura, a fantasía e   fai que poñan en xogo a súa imaxinación e intuición; e os adultos, tal vez de maneira menos intuitiva do debido, ven   reflexado no libro a trascendencia de preguntas esencias para a vida. 
No seguinte video, podedes ler algunhas das frases más emblemáticas do mesmo. Se quedades con gañas de máis, pasádevos pola biblioteca e collede en empréstito o voso exemplar, seguro que a súa lectura non vos vai defraudar.

                                    

SALÓN DO LIBRO INFANTIL E XUVENIL

Carrás anímavos a visitar a XIX edición do Salón do Libro Infantil e Xuvenil que se celebrará no Pazo da Cultura de Pontevedra dende o venres 6  ó domingo 29 de abril.

Baixo o lema "MULLERES DE CONTO" este ano o salón homenaxea as mulleres da literatura infantil, dende as personaxes dos contos pasando polas escritoras, editoras, bibliotequeiras ... e todas aquelas mulleres que forman e conforman o mundo literario dos máis pequenos, os cales poderán desfrutar  con obras de teatro, contacontos, talleres .... e moitas actividades o tempo que se forman e  se diverten neste salón que ano tras ano segue fomentando a lectura en galego.

Como novidade, este ano o Salón do Libro Infantil e Xuvenil contará coa presenza dun país invitado; México, que traerá a súa cultura e riqueza literaria. O programa do evento tamén incluirá un concurso de ilustración e faráse ademáis unha especial dedicación a figura de María Victoria Moreno, Premio das Letras Galegas 2018.

Aquí podedes ver o programa completo de tódalas actividades que se van desenvolver en dito salón:

                        http://www.salondolibro.gal/

2 DE ABRIL: DÍA DO LIBRO INFANTIL E XUVENIL

                           

Dende 1967, en torno o 2 de abril, conmemorando o día do nacemento de Hans Christian Andersen, celébrase, o Día Internacional do Libro infantil e xuvenil co ánimo de inculcar o amor polos libros e para chamar a atención da comunidade sobre os libros para nenos.
Cada ano, unha Sección Nacional ten a oportunidade de ser a patrocinadora do día do libro infantil. Esa sección elixe un tema e invita a un autor do país a escribir unha mensaxe para os nenos do mundo e a un recoñecido ilustrador para o deseño dun díptico. Este ano 2018, o país encargado de isto é Letonia. A autora da mensaxe é a escritora e editora Inese Zander que titula a súa mensaxe: " Los libros hacen grande lo más pequeño". Pola súa parte, a imaxe corre a cargo do recoñecido ilustrador Reinis Petersons.

                  ACTIVIDADE MESTRES LECTORES

Dende a nosa biblioteca para conmemorar este día realizamos a actividade de mestres lectores:

VIGUESES DISTINGUIDOS

Este luns, o concello de Vigo decidiu, por unanimidade, o nombramento como Vigueses Distinguidos de Ledicia Costas e Antonio García Teijeiro, escritores vigueses galardoados co Premio Nacional de Literatura Infantil e Xuvenil en 2015 ( Ledicia Costas por " Escarlatina, a cociñeira defunta") e en 2017 (Teijeiro por "Poemar o mar").

O alcalde, Abel Caballero, puso en valor a importantísima capacidade de elaboración de literatura que hai na cidade con dous recoñecementos nacionais para autores vigueses nos últimos tres anos, algo claramente tan reseñable.

A continuación vos deixamos uns videos para ir abrindo boca sobre a obra destes dous grandes escritores. Xa sabedes que se queredes ler máis sobre Ledicia e Teijeiro na biblioteca contamos cun variado surtido de libros deles. 
                         Parabéns para os dous!!!!!

                      

 Ledicia Costas e " Escarlatina, a cociñeira defunta"   
     
               https://youtu.be/uLIu9jYP1to

DÍA MUNDIAL DO TEATRO

Hoxe, 27 de marzo, celébrase o Día Mundial do Teatro. En palabras, de Federico García Lorca:

" El teatro es la poesía que se levanta del libro y se hace humana. Y al hacerse humana, habla y grita, llora y se desespera".

Animamos os nosos usuarios que a volta das vacacións se acheguen a biblioteca da escola e boten una ollada a estantería coa CDU 86 adicada o teatro. Ali poderán atopar una ampla selección de libros para ler e facer teatro, que lles permitirán abrir as portas a creación e a imaxinación.

CLUB DE LECTURA

Durante o segundo trimestre, o alumnado das duas aulas de 6º de primaria levaron a cabo un club de lectura. Quincenalmente, reuníronse na biblioteca para compartir comentarios, ideas, vivencias, segredos, ... que xurdían da lectura do libro. Os libros foros elexidos polos nenos/as escollendo os seguintes títulos:

•   " Los peores niños del mundo" de David Williams. Dez historias, reunidas nun único volumen, endemoniadamente divertidas e surrealistas sobre os dez nenos máis espantosos do mundo.
•  "Wonder. La lección de August" de R.J.Palacio. Narra a historia de August, un neno que aprenderá a lección máis importante da súa vida: crecer na adversidade e aceptarse tal e como un é.

                           
       
                   

Os obxetivos que se perseguiron coa realización deste club de lectura foron:

• Mellorar a calidade e comprensión lectora dos alumnos
• Crear un clima positivo, ameno, lúdico e favorable cara á actividade da lectura
• Tomar conciencia da importancia dos libros como fonte de entretemento e de información
• Aprender a valorar, respetar e coidar o material bibliográfico persoal da biblioteca do centro

"  Habemos de ler aos nenos; ler cos nenos, ler para os nenos. E sobre todo, ter tempo para que os nenos lean"

21 de Marzo : DÍA DA POESÍA

Este ano, tendo en conta o tema anual do centro, conmemoramos o Día da Poesía traballando a poesía tradicional xaponesa: os HAIKUS.

CARTA DE CARRÁS INVITANDO AO ALUMNADO A PARTICIPAR NA ACTIVIDADE

Meus querid@s amig@s do Carrasqueira:

O tempo corre e xa me cheira a marzo no nariz. Xa me veñen de camiño as gañas de saborear flores e escribir poemas. Nunca vos pasou? Ando nervioso dende hai días porque este ano teño preparado algo grande para o 21 de marzo, Día Mundial da Poesía.

Xa sabedes que para min o mellor de ler é poder viaxar coa imaxinación a outros mundos, chegar a universos dos que aprender outras linguaxes … Descubrir novas formas de beleza. Pois este ano, liado como teño andado cos Pokemóns, conseguín chegar a Xapón. Si, si, coma volo conto. Sabíades que os Pokemóns viñan de Xapón? e, que coñecedes da poesía xaponesa?

Camiñei todo Vigo falando cos libreir@s para traervos á escola a resposta a estas preguntas. E levo meses seleccionando libros cos Haikus que máis me fascinaron. Pregúntome se algún de vos sabe o que é un Haiku? … Calquera poema xaponés é un Haiku? Só se es un Pokemon podes escribir un Haiku?

Para fartar a vosa curiosidade prepareivos unha bolsa personalizada. O que tedes entre as mans é un novo tesouro, unha nova porta ó coñecemento. Todo o que precisades saber para arrancar a vosa viaxe ós Haikus está ahí dentro : un libro para debullar na clase, unha explicación que vos sirva como mapa e unha tarxeta que agarda tomar sentido entre os vosos dedos.

Propóñovos que enchamos o taboleiro de xogo da porta da biblioteca cos Haikus que escribades, credes que poderemos encher tódalas casillas? Para conseguilo tedes que escribilos nunca tarxeta de cartolina coma a que tedes na bolsa. Preciso ter tódolos vosos Haikus no meu buzón o 19 de marzo, non vos retrasedes.

Axudádeme  a chegar coa poesia de tod@s ata a meta!!!   

                       

                                                                    Carrás

CAMIÑANDO ENTRE LIBROS POLA IGUALDADE

O 8 de marzo celébrase o Día Internacional da Muller Traballadora, co cal preténdese reivindicar a igualdade de xénero en tódolos ámbitos: social, económico, político, ... 

Dende a nosa biblioteca intentamos camiñar cara a igualdade a través dos libros, como recurso educativo básico a hora de transmitir valores, pautas de comportamento... 
A maneira coa que fixemos esta homenaxe a todálas mulleres foi seleccionando libros coeducativos referentes o tema e facendo un divertido MANNEQUIN CHALLENGE. Aquí tedes o resultado...

                         

DÍA DE ROSALÍA

O 24 de febreiro, conmemorouse o aniversario do nacemento de Rosalía de Castro, a poeta de referencia da literatura galega. O noso colexio sumouse , o venres 23 de febreiro, a celebración do Día de Rosalía, a través da audición durante, a hora de ler, de diversos poemas musicalizados que nos permitiron rememorar os versos da nosa escritora máis ilustre.

GRAZAS FORGES!!!!

No día do seu falecemento, Carrás quero facer unha humilde homenaxe ó humorista gráfico Antonio Fraguas de Pablo, máis coñecido como Forges, pola súa defensa constante nos seus traballos do libro e o fomento da lectura, tal e como queda plasmado nalgunhas das súas viñetas.

150 anos de " 20.000 leguas de viaje submarino" en Vigo

" En estos momentos nos encontramos en la misma bahía de Vigo y solo de usted depende el descubrir los misterios  que en ella se encierran ". 

 Con estas palabras, que fai pronunciar ao capitán Nemo, o 18 de febreiro de 1868,  é como Jules Verne introduce, nunha das grandes novelas da historia da literatura universal: "20.000 leguas de viaje submarino", un capítulo clave do relato que acontece na baía de Vigo.

Vigo recorda este acontecemento século e medio despois con diversas actividades culturais e científicas para conmemorar esta máxica e pouco coñecida efeméride literaria.

"Veinte mil leguas de viaje submarino" é unha obra narrada en primeira persoa polo profesor e biólogo Pierre Aronnax, que foi preso polo Capitán Nemo e conducido polos océanos a bordo do submarino Nautilus.

Como bos lectores/as que sodes, se vos apetece mergullar nunha historia de  acción, aventuras,  chea de descricións de diversos animais mariños... , non dubidedes en pasarvos pola biblioteca e escoller este libro co que seguro pasaredes un  bo rato entretidos.

                     

                        

11-F: DÍA INTERNACIONAL DA MULLER E A NENA NA CIENCIA

A ciencia foi , xeralmente, un mundo gobernado por homes. Son moitos os nomes de científicos masculinos que nos veñen a  cabeza cando falamos deste tema, pero non ocorre o mesmo cando pensamos en mulleres científicas. Sen embargo, as mulleres, dende o inicio dos tempos,  realizaron importantes contribucións neste campo.

Hoxe, dende a nosa biblioteca, Carrás quere contribuir a  desmontar mitos, poñendo  de manifesto a grande importancia da  muller na ciencia cunha selección de libros para inspirar  as nenas , e amosar que elas  poden, igual que os nenos, marcar un antes e un despois na historia mundial da ciencia.

De entre todas  as mulleres científicas da historia, Carrás quere facer unha mención especial a mestra  ferrolana Ángela Ruiz Robles, inventora adiantada o seu tempo, que baseándose nun libro creou o primeiro ebook da historia e cuio prototipo construíuse en 1962.

" REPLANTANDO O MUNDO" 30 de Xaneiro Día Escolar da NON Violencia e da Paz.

Dende a nosa biblioteca unímonos os actos levados a cabo  no centro para conmemorar o Día Escolar da Non Violencia e da Paz. 

Dende hai dúas semanas na entrada da biblioteca hai unha exposición de libros relacionados co tema. Pese a que algunhas das lecturas seleccionadas céntranse na paz e a súa simboloxía, non todos os libros escollidos abraguen a paz da mesma maneira. En ocasións, a paz conséguese a través da empatía e o respeto por un mesmo e polos demais. Constrúese recoñecendo e aceptando as diferenzas e sobre todo queréndonos tal e como somos, polo que tamén hai libros referidos a estes temas.

Na decoración da nosa exposición, contamos coa colaboración dos usuarios da biblioteca que elaboraron mans nas que escribiron diferentes palabras e mensaxes de  PAZ co obxectivo de que entre todos poidamos Replantar un Mundo mellor.

Aquí vos deixamos algunhas fotos ...

FAMILIAS LECTORAS

Estimadas familias, queremos comunicarvos  que á entrada do edificio administrativo está ubicado un espacio lector para o voso uso.

O empréstito abrangerá como máximo dous meses e farase de xeito autónomo sen que sexa necesaria a supervisión dun mestre.

Cada vez que levedes un libro debedes rexistralo no cuaderno amarelo  que leva por título" Biblioteca familias".  Animádevos !!!!

RETO LECTOR

Comezar un novo ano é comezar un caderno en branco: que aventuras viviremos? que cousas aprenderemos? que propósitos cumpriremos?... Pero como bos lectores, unha das inquedanzas que máis ilusión prodúcenos é : que libros leremos?

E é que seguro que moitos de vos tedes xa unha lista de lectura esperándoos.

Tendo en conta todo isto, Carrás propónnos un reto, a modo de xogo, para ler máis e mellor. O reto consiste en ler un libro por mes baixo unha dinámica distinta. Mirade:

O reto lector está sobre a mesa para os amantes da lectura. Atrevédevos?